Ushtria zvicerane mund të ndihmojë në luftën kundër koronavirusit

Forcat e armatosura të Zvicrës thanë se këtë të shtunën janë të gatshme për të ndihmuar në betejën kundër pandemisë së koronavirusit, e cila ka infektuar më shumë se 1.000 njerëz në vend, transmeton albinfo.ch.

Ushtria do të vendosë nga e hëna një nga katër batalionet e saj spitalore, tha shefi i ushtrisë, Thomas Sussli, në një komunikatë.

Batalioni do të kryejë një “shërbim special për sigurinë dhe mbrojtjen e të gjithëve”, shkroi ai.

Ndërsa nuk sqaroi shërbimin specifik që do të ofrohej, ai theksoi se më shumë se 90 për qind e personelit në batalionet spitalore të Zvicrës “punojnë në profesione të tjera, por kanë trajnime të kujdesit bazë të njohura nga civilët, të marra nga ushtria”.

Zëdhënësi i ushtrisë, Daniel Reist, i tha AFP-së se batalioni, i përbërë nga 500 deri në 600 vetë, do të jetë i përgatitur të mbështesë punën në spitalet në gjithë vendin, nëse kërkohet.

Sipas numërimit të fundit, rreth 1,200 njerëz janë infektuar në vendin e vogël alpin dhe shtatë kanë vdekur nga virusi, shkruan The local.