Pfizer/Biontech funksionon edhe kundër varianteve të reja të koronavirusit!

Sipas studimit, është treguar në laborator se gjaku i 20 personave të vaksinuar me vaksinën në fjalë ka neutralizuar mutacionet kryesore të varianteve të koronavirusit nga Britania e Madhe dhe Afrika e Jugut

Më në fund, një lajm i mirë për të vaksinuarit.

Sipas një studimi laboratorik, vaksina e koronavirusit, e prodhuar nga Biontech dhe Pfizer është efektive po ashtu edhe kundër varianteve të reja të Sars-CoV-2 që u shfaqën për herë të parë në Britaninë e Madhe dhe Afrikën e Jugut.

Të dhënat nga studimi janë botuar në revistën e njohur shkencore “Nature Medicine”, transmeton albinbfo.ch. Sipas studimit, është treguar në laborator se gjaku i 20 personave të vaksinuar me vaksinën në fjalë ka neutralizuar mutacionet kryesore të varianteve të koronavirusit nga Britania e Madhe dhe Afrika e Jugut.

Dhe, kjo do të thotë se në gjak kishte mjaft antitrupa neutralizues.

Të dhënat e studimit nga Pfizer dhe Universiteti i Teksasit janë bërë të njohura për herë të parë në fund të janarit. Në atë kohë, Biontech dhe Pfizer kishin theksuar se rezultatet nuk sugjeronin nevojën për një vaksinë të re kundër varianteve të reja.

Tani pajtohen edhe ekspertët e pavarur 

Në ndërkohë, ekspertët e jashtëm gjithashtu kanë ekzaminuar rezultatet, kështu që tani e gjitha është botuar në revistën “Medicine Medicine”, përcjell albinfo.ch. Aty thuhet, ndër të tjera, se për të mësuar edhe më shumë rreth efektit të vaksinës kundër varianteve të virusit tani janë të nevojshme të dhënat klinike.

Zhvillimi në vazhdimësi i Sars-CoV-2 bën të domosdoshëm monitorimin e vazhdueshëm të variacioneve dhe të efektivitetit të vaksinave.

---