Vaksinohu, shpëto jetë!

Rritja e numrit të rasteve me variantin delta të virusit COVID-19 ka mobilizuar komunitetin e shqiptarëve që jetojnë në Konfederatën e Zvicrës që të nisin një fushatë të gjerë vetëdijesimi për vaksinim.

Mjekë profesionistë shqiptar, politikanë si në nivelin Kantonal ashtu edhe atë lokal të qeverisjes, juristë, teologë, artistë të e njohur e ndërmarrës janë vetëm disa prej tyre që i janë bashkuar kësaj kampanje për vaksinim.

Vaksionohu, shpëto jetë është mesazhi kryesor i kësaj kampanje, e cila pritet të vazhdojë edhe me personalitete të tjera, me synimin kryesor, që të rritet numri i të vaksinuarëve nga kominiteti shqiptarë.

Kampanja, gjithashtu, synon që të forcojë besimin e njerëzve në rezultatet dhe efektet pozitive të vaksinës, që janë vërtetuar edhe shkencërisht dhe paralelisht të luftojë lajmet e rreme dhe teoritë konspirative që publikohen dhe shpërndahen nga burime të panjohura dhe autorë anonim me qëllime dashakeqëse.

Thirrjet për vaksinim kanë qenë të vazhdueshme si nga udhëheqësit më të lartë të Republikës së Kosovës ashtu edhe nga Konfederata e Zvicrës.

---