Vazhdojnë kundërshtimet për vendimin e Apelit për kishën

Demokracia Studentore ka reaguar lidhur me vendimin e Gjykatës së Apelit për vendimin e pronësisë së tokës në Kampusin e UP-së, duke vendosur pro kishës ortodokse serbe, që është brenda kampusit universitar.

Mexhid Ramusa nga Demokracia Studentore, ka thënë se toka prej shtatë hektarësh nuk do t’i takojë asnjëherë kishës, pasi ajo është ndërtuar me dhunë nga Slobodan Milosheviqi.

“Gjykata e Apelit për bazë është dashur t’i marrë incizimet në inaugurimin e themelit të kësaj kishe, ku në atë video shihen qartë tanke, autoblinda dhe mjete të tjera të blinduara të Policisë serbe dhe të gjithë kriminelët serbë, të cilët kanë kryer masakra në Kosovë. Gjykata e Apelit me këtë vendim e bën të ligjshme dhunën dhe të gjitha krimet që i ka kryer Serbia në Kosovë”, thuhet në komunikatën e Demokracisë në Veprim, përcjell albinfo.ch.