Wels, Austri: Vdes kumanovari i rrëzuar dy javë më parë nga skelet

Në komunitetin shqiptar në Wels Isren Imeri është njohur si aktivist i dalluar dhe shumë human

Ka ndërruar jetë shqiptari 56 vjeçar nga Kumanova, Isren Imeri, me banim ne Wels të Austrisë. I ndjeri para dy javësh ishte rrëzuar nga skelet e ndërtimit. Ai ka qenë në gjendje kome deri sot në mëngjes kur ka ndërruar jete, shkruan albinfo.at.

Në komunitetin shqiptar në Wels ai është njohur si aktivist i dalluar dhe shumë human.

Si emër i njohur për rrethin e tij shoqëror dhe komunitetin shqiptar të Kumanovës, ai do të kujtohet edhe për lidhjen e tij me këngën shqipe, si këngëtar i muzikës popullore në rininë e tij.

Lajmi për ndarjen e tij nga jeta ka prekur familjarët, miqtë dhe të gjithë ata që e kanë njohur ndër vite.

---