Vendet evropiane do të prodhojnë miliarda monedha të imëta

Vendet e euros gjithashtu do të sjellin më shumë monedha euro në qarkullim në vitin 2019. Banka Qendrore Evropiane (BQE) miratoi prodhimin e monedhave të imëta në vlerë prej 2.1 miliardë euro, shkruan albinfo.ch.

Vitin e kaluar ishin prodhuar rreth 2.2 miliardë euro. Në vitin 2019 rreth 488 milionë euro do të shkojnë në monedhat e koleksionistëve. Shumica e parave do të prodhohen sërish për Gjermaninë. 632 milionë euro shkojnë në ekonominë më të madhe të Evropës.

Banka Qendrore Evropiane (BQE) vendos një kufi vjetor mbi vëllimin e përgjithshëm të monedhave në bazë të nevojave të raportuara nga 19 vendet e Eurozonës.

Veçanërisht të diskutueshme janë monedhat 1 dhe 2 centë. Shumë konsumatorë e gjejnë të bezdisshme përdorimin e tyre.

Më 2016 dhe 2017 vendet e euros shpenzuan rreth 3.6 miliardë monedha 1 cent dhe 2 centë. Për krahasim: monedhat prej 1 euro dhe 2 euro janë prodhuar rreth 1.6 miliard euro. Megjithatë, vlerësohet se rreth dy të tretat e monedhave të vogla humbin ose përfundojnë nëpër banka.