Vetëm 15% të vaksinave AstraZeneca janë përdorur në Gjermani

Keystone 2020

Gjermania ka administruar vetëm 15% të vaksinave AstraZeneca që ka në dispozicion, tha Ministria e Shëndetësisë, pasi vaksina përballet me rezistencë publike ngase provat treguan se ishte më pak efektive se sa alternativat.

Ministria tha se vaksina do t’u ofrohej njerëzve që janë në grupe të tjera me përparësi, pasi tha në fillim të kësaj jave punonjësit shtetërorë, siç janë mësuesit dhe policia, do të kishin akses parësor, përcjell albinfo.ch.

“Asgjë nuk duhet të lihet pas”, u tha një zëdhënës i ministrisë gazetarëve, në një konferencë të rregullt të mërkurën.

Zëdhënësi i Kancelares Angela Merkel u bëri thirrje njerëzve të besojnë në vaksinën, e cila u zhvillua në Universitetin e Oksfordit në Britani, duke thënë se ishte e sigurt dhe efektive.

Më herët të mërkurën, Ministria e Shëndetësisë e Gjermanisë tha se priste të merrte 16 milionë doza të vaksinës AstraZeneca në tremujorin e dytë.

Në total, Gjermania pret 56.3 milionë doza nga AstraZeneca sipas kontratës së BE-së, e cila është e barabartë me 18.7% të 300 milionë dozave për BE-në, përcjell tutje albinfo.ch.