Vjosa Osmani e krahason Albin Kurtin me Hugo Chavez, Kurti i kundërpërgjigjet

Mbrëmë në emisionin Pressing të Televizionit 7, kandidati i Vetëvendosjes për kryeministër, Albin Kurti, i është përgjigjur deklaratës së kundërkandidates së tij, Vjosa Osmani, e cila e ka krahasuar atë me ish-liderin e Venezuelës, Hugo Chavez.

Kurti është shprehur i thyer, duke thënë se ai asnjëherë nuk është krahasuar me revolucionarët komunistë, e as në kohën e Presidentit Ibrahim Rugova.

“Në vitin 1997 kam qenë dy herë në takime me ish-presidentit, Dr. Ibrahim Rugova. Nuk jemi pajtuar me të, por jemi pajtuar me qëllime. Përkundër mospajtimeve, ai nuk më ka thënë as Fidel Castro [ish-presidenti i Kubës], as kurrgjë tjetër. Kjo që ka thënë Vjosa është jofisnike”, ka thënë Kurti.