Vdes vokalisti i grupit “‪The Prodigy‬”

Keith Flint, muzikanti britanik, i cili njihej si vokalist i grupit veteran të muzikës elektronike “The Prodigy”, ka vdekur në moshën 49-vjeçare.

Flint u bë i njohur si vokalisti prapa hiteve të viteve 90’, “Firestarter” dhe “Breathe”, dhe shquhej për vallëzimin e tij të pakoordinuar dhe stilin unik të flokëve dhe grimit në fytyrë. 

Sipas mediave të huaja, gjatë orëve të hershme të ditës së hënë, policia ishte thirrur në shtëpinë e tij në Essex të Anglisë, ku këngëtari ishte gjetur i vdekur. Nuk besohet se vdekja e tij ka qenë e dyshimtë, por thuhet se 49-vjeçari është vetëvrarë, përcjell albinfo.ch.

Shumë shpejt do të bëhet të ditura edhe rezultatet e mjekut ligjor, që e përcaktojnë shkaktarin e vërtetë të vdekjes.