Vrasja e Bin Ladenit, për qeverinë zvicerane, “një lajm i mirë”

"Fakti që kjo organizatë terroriste (Al Qaedsa) ka humbur kreun e vet, përbën një risi të mirë", ka thënë Rey

Ministrat në Qeverinë Federale të Zvicrës kanë përshëndetur njoftimin për vrasjen e kryeterroristit, shefit të Al Qaida-s, Osama Bin Laden. Kështu, sipas presidentes së vendit  dhe ministres së jashtme, Micheline Calmy-Rey vdekja e Bin Ladenit është një “lajm i mirë”.

Zvicra, sipas saj, e dënon terrorizmin në mënyrën më të ashpër dhe për këtë arsye i miraton aksionet konkrete, që kanë për synim shkatërimin e strukturave të terrorizmit ndërkombëtar. Në këtë kuptim, fakti që kjo organizatë terroriste ka humbur kreun e vet, përbën një risi të mirë”, ka thënë Rey.

Ministrja Doris Leuthard në një prononcim për lajmet e sf1, vdekjen e Bin Ladenit po ashtu e ka quajtur lajm të mirë. „Bin Laden ka vrarë shumë njerëz dhe ka shkaktuar shumë dhembje. Sot ka fituar drejtësia”, ka thënë Leuthard.