Vritet një zvicerane në Tunizi

Një grua e moshës 67 vjeçe nga kantoni Vaud, me shtetësi të dyfishtë zvicerane-tuniziane është qëlluar për vdekje dje, nga të shtënat e trazirave në qytetin Chabanne të Tunizisë së veriut.

Sipas organizatës “Right for all”, ajo është qëlluar me plumba derisa po shikonte trazirat nga banesa e saj, shkruan blick.ch. Po ashtu edhe vëllai i saj ka dëshmuar se vdekja e saj ka ardhur nga plumbat e shkrehur në trazirat që ajo po i vështronte nga ballkoni i shtëpisë.

Departamenti i punëve të jashtme i Zvicrës deri sa ka vërtetuar njoftimet për vdekjen e saj, nuk ka mundur të japë më shumë të dhëna rreth rastit.