Vritet ushtari austriak gjatë shkëmbimit të zjarrit

Një ushtar është vrarë dhe një tjetër është plagosur gjatë shkëmbimit të zjarrit në një kazermë në një bazë ajrore në qytetin austriak Wiener Neustadt, tha zëdhënësi i Ministrisë së Mbrojtjes.

“Në bazën ajrore në Wiener Neustadt, ushtari që ishte duke bërë rojë u vra dhe një tjetër ushtar u plagos gjatë një shkëmbimi të shkurtër zjarri para orës 07:00 të ditës së sotme”, tha zëdhënësi i Ministrisë austriake të Mbrojtjes, Michael Bauer, transmeton albinfo.at

Agjencia austriake e lajmeve APA raportoi se ushtari 20 vjeçar, ishte duke bërë rojë, dhe hapi zjarr në një moment.

Sipas kësaj agjencie, ai më pas u qëllua nga një oficer ushtarak me gradë më të lartë, shkruajnë mediat ndërkombëtare, përcjell albinfo.at.