Vuçiq: Beogradi do të bëjë gjithçka për të shtensionuar situatën në Kosovë

Mësohet se presidenti i Serbisë, Aleksandar Vuçiq, po merr pjesë në një samit evropian në Kishinjev të Moldavisë, ku tha se Beogradi do të bëjë gjithçka për të shtensionuar situatën në Kosovë, përcjell albinfo.ch.

Në një postim në llogarinë e tij në Instagram, ai tha se në margjina të kësaj ngjarjeje ka pasur një sërë takimesh, përfshirë atë me presidenten e Komisionit Evropian, Ursula von der Leyen, dhe me kryeministrin e Holandës, Mark Rutte.

“Biseda për sfidat aktuale në ‘Kosovë, në rajonin e Ballkanit Perëndimor, për rrugën evropiane të Serbisë, por edhe për marrëdhëniet dypalëshe dhe forcimin e dialogut politik dhe intensifikimin e bashkëpunimit ekonomik. Ndajmë të njëjtin përkushtim për të ardhmen e përbashkët, paqen dhe stabilitetin”, shkroi Vuçiq në Instagram.