Xhaka i ka thënë “Po” Milanit, transferimit më afër

Vlera e Granit Xhakës është 12 milionë euro në tregun e transferimeve

Kapiteni i Zvicrës, Granit Xhaka i ka dhënë tashmë miratimin e tij kuqezinjve dhe tani misioni i Igli Tares do të jetë të bindë Bayer Leverkusen që ta lëshojë. Drejtori i ri sportiv i Milanit pritet të kontaktojë së shpejti me gjermanët për të tentuar të bëjë një ofensivë për të siguruar kartonin e lojtarit, transmeton albinfo.ch.

Një operacion që Milani nuk dëshiron të rëndojë shumë financiarisht, duke qenë se Xhaka është 32 vjeç dhe ka një vlerësim rreth 12 milionë euro.

Megjithatë, Leverkusen ka një kontratë të nënshkruar me të deri në vitin 2028 dhe nuk do të shesë një tjetër titullar, ndaj Tare do të duhet të tregojë aftësi për t’i bindur.

Ndërkohë, Luka Modric tashmë mund të konsiderohet lojtar i Milanit.

Vizitat mjekësore janë shtyrë për pas përfundimit të Kupës së Botës për Klube që po zhvillohet në SHBA, pasi ylli kroat dëshiron të përqendrohet vetëm në dhënien e një triumfi tjetër Real Madridit përpara se të largohet përgjithmonë.

Megjithatë, nuk ka asnjë rrezik që operacioni të dështojë, pasi edhe pse mungon firma, Modriq dhe Milani i kanë premtuar njëri-tjetrit se do të jenë bashkë sezonin e ardhshëm.

---