Xhaka, i lumtur pasi fituan titullin e parë në Gjermani

Bayer Leverkusen është shpallur kampion i Gjermanisë në futboll, për herë të parë në histori

Granit Xhaka është njëri nga lojtarët me ndikimin më të madh që Bayer Leverkusen u shpall kampion i Gjermanisë në futboll për herë të parë në histori.

Pasi festoi titullin bashkë me tifozët dhe lojtarët, Xhaka tha se trajneri dhe kompaktësia e skuadrës janë dy prej elementeve kyçe në këtë sukses, por edhe uria e lojtarëve.

“Mendoj se ka shumë faktorë që na bëjnë të veçantë. Fillon me klubin dhe trajnerin. Mënyra se si funksionojnë të gjithë është e pabesueshme. Dhe uria, sigurisht. Ekuilibri që kemi mes lojtarëve të rinj dhe me përvojë. Gjithashtu edhe mentaliteti që sjellim në fushë çdo tre ditë. Skuadra në të cilën të gjithë kanë potencial dhe e tregojnë atë”, është shprehur Xhaka, transmeton albinfo.ch.

Ai pastaj foli edhe për festën me tifozët pas ndeshjes.

“Tashmë e prisnim. Fakti që kanë duruar kaq gjatë është i veçantë. Ka tifozë që kanë pritur 60 apo 70 vjet për këtë. Ishte qëllimi numër një për të fituar titullin kur jemi kaq afër. Pastaj në stadiumin tuaj, ju vetëm duhet ta përjetoni atë. Është kaq e veçantë dhe nuk mund të gjej as fjalët e duhura”, shtoi Xhaka.

 

---