Xhaka, i nominuar nga FIFA për ekipin e vitit

Granit Xhaka është ndër mesfushorët më të mirë për vitin 2024

Tjetër nominim dhe tjetër sukses për yllin shqiptar, Granit Xhaka.

Ai është i nominuar nga FIFA për ekipin e vitit nga mesfushorët, shkruan albinfo.ch.

Xhaka ndodhet në mesfushorët më të mirë në planet. Së fundi ai u nominua në Zvicër për Sportistin e Vitit, kurse për Topin e Artë ishte në vendin e 16-të, një tjetër sukses. Kjo ishte hera e parë që një futbollist shqiptar nominohej për Topin e Artë.

Xhaka me Leverkusenin fitoi titullin në Gjermani, për herë të parë në histori të klubit dhe përfunduan edicionin pa humbje, kurse arritën deri në finale të Ligës së Evropës.

Graniti ishte ndër futbollistët më të dalluar te skuadra gjermane në këtë sukses.

Po ashtu kishte paraqitje të mira me Zvicrën, ku si gjithmonë është kapiten i Nati-t.

---