Xhaka: Kemi eksperiencën për të shkruar historinë

Granit Xhaka - Facebook page

Para pak minutash Granit Xhaka është deklaruar për sfidën ndaj Francës në kuadër të 1/8 e finales së Euro 2020, transmeton albinfo.ch.

Zvicra takohet me Les Blues nga ora 21:00, dhe shpresojnë të kalojnë në çerekfinale.

“Në tri edicionet e fundit jemi eliminuar në fazën e 1/8-ave, por këtë herë duam t’i shkojmë deri në fund kompeticionit dhe në skuadër kemi eksperiencën e duhur për të shkruar historinë”, ka thënë Xhaka.

“Jemi të qetë dhe të relaksuar, pasi e dimë mirë që nëse japim 100 %-shin tonë, mund të bëjmë diçka të madhe, ndonëse Franca mbetet favoritja e madhe. I njoh mirë Pogban dhe Kanten nga kampionati anglez, janë futbollistë shumë cilësorë. Pogba ka cilësi të mëdha dhe mund të vendosë i vetëm një ndeshje, ndërsa Kante është shumë i mirë në lojën pa top, por edhe atë me top. Megjithatë ne nuk do të fokusohemi te këta të dy lojtarë, por te Franca në tërësi, pasi ata kanë shumë futbollistë cilësorë”, ka shtuar më tej mesfushori.

Zvicra dhe Franca takohen në Arena Nationala në Bukuresht sonte.