Yakin: Presim ndeshje të vështirë në Prishtinë

“Te Kosova kanë bërë punë të mirë në vitet e fundit. Presim ndeshje të vështirë ndaj Kosovës”, u shpreh Murat Yakin

Te Zvicra po bëhen gati për paraqitje të re në Kupën e Botës, por biletën e Botërorit 2026 duhet ta konfirmojnë të martën në Prishtinë.

Kosovës i duhet fitorja 6:0 ndaj Zvicrës për ta kaluar në tabelë.

Ky rezultat duket pak i mundshëm.

“Kur një ekip si Kosova merr kaq shumë pikë, atëherë është absolutisht e merituar. Te Kosova kanë bërë punë të mirë në vitet e fundit. Është mëkat, natyrisht, që nuk e kemi siguruar kualifikimin sonte. Ne kemi ekip solid. Presim ndeshje të vështirë ndaj Kosovës. Por nuk do të fokusohemi në mbrojtje. Do ta shijojmë këtë fitore dhe më pas do të punojmë për të fituar tri pikë në Kosovë”, ka thënë përzgjedhësi i Zvicrës, Murat Yakin, pas fitores ndaj Suedisë, transmeton albinfo.ch.

---