Zbulohet sasi e madhe nafte e gazi në Shqipëri

Kompania holandeze SHELL ka zbuluar sasi të mëdha nafte dhe gazi në Shqipëri.

Lajmi erdhi nga kryeministri Edi Rama, në takimin me përfaqësues të biznesit holandez që operojnë në Shqipëri, si dhe me investitorë të rinj potencialë.

Rama tha se ky zbulim do të ndikojë në të ardhmen e vendit dhe atë energjetike të Europës, transmeton Albinfo.ch.

“Holanda e pranishme në Shqipëri. Ne kemi shumë shpresë se së shpejti mund të ndajmë me opinionin tonë publik, rajonal dhe përtej rajonit, një zbulim shumë të rëndësishëm që “Shell” po arrin në vendin tonë. Ata hezitojnë për momentin të flasin për shifra. Shenjat tregojnë se mund të jemi pranë një zbulimi shumë të rëndësishëm të gazit dhe naftës në nëntokë, që do të ndikojë të ardhmen e vendit tonë, por edhe do të luajë rol në të ardhmen energjetike të Evropës”, tha Rama.