Zbulohet shifra që kërkon Werderi për Rashicën

Keystone

Milot Rashica e tregoi në sezonin e kaluar se mund të kthehej në një lojtar të rëndësishëm për Werder Bremen. Këtë, sulmuesi e ka vërtetuar në sezonin aktual teksa ka një vazhdimësi të rëndësishme në fushën e lojës, duke ndihmuar jashtëzakonisht skuadrën e tij me gola.

Ndërkohë, ishte vendimtar në ndeshjen e fundit të kampionatit ku shënoi dy gola, teksa një prej golave ishte edhe më vendimtar teksa i dha fitoren skuadrës së tij. Kështu, Rashica ka tërhequr vëmendjen e shumë klubeve evropiane të cilat kërkojnë të kenë në organikë cilësitë e shqiptarit.

Megjithatë, Werderi është duke i paraprirë situatës dhe bën të qartë se nuk e lejon të largohet për një shumë më inferiore se 40 deri në 50 milionë euro. 23-vjeçari është në kontratë me gjermanët deri në vitin 2022 dhe për momentin bisedimet për rinovimin kanë ngecur në vend. Ndërkaq, nëse Rashica largohet këtë do ta bëjë vetëm për një klub që bën pjesë në Champions League, shkruan insporti, përcjell albinfo.ch