Zbulohet varianti i ri i koronavirusit, me 32 mutacione

Sipas ekspertëve, ky variant mund të pësojë 32 mutacione çka do të thotë se është shumë herë më i transmetueshëm dhe rezistent ndaj vaksinave.

Mediat britanike raportojnë se ekspertët u kanë rënë kambanave të alarmit se një variant i ri i koronavirusit është zbuluar në Botsvana, i cili mendohet të jetë version me më shumë mutacione i virusit që ka pushtuar botën.

Deri në këto momente janë regjistruar vetëm 10 raste me variantin e ri, i cili ka marrë emrin “Nu”, por ai është pikasur në 3 shtete të ndryshme, çka tregon se mund të jetë më i përhapur, transmeton A2, përcjell Albinfo.ch.

Sipas ekspertëve, ky variant mund të pësojë 32 mutacione, çka do të thotë se është shumë herë më i transmetueshëm dhe rezistent ndaj vaksinave. Ata dyshojnë se ai mund të jetë shfaqur pas një infeksioni afatgjatë në një pacient me HIV.

Virologu Tom Peacock nga “Imperial College” e përshkruan variantin e ri me shumë kombinime si të tmerrshëm dhe më agresiv dhe se Delta.

 

---