Zeneli ftohet nga Suedia, Dardanët humbasin edhe një futbollist

Besfort Zeneli luan në pozitën e mesfushorit qendror, ndërsa luan për skuadrën e Elfsborgut

Besfort Zeneli është ftuar nga Suedia. Ai kishte luajtur për Kosovën U21.

Besforti është vëllai i vogël i Arbër Zenelit. Arbëri për kohë të gjatë luajti për Kosovën. Por kohët e fundit nuk ftohet.

Zeneli 22-vjeçar është ftuar nga përfaqësuesja e Suedisë për ndeshjet e këtij muaji, përcjell albinfo.ch.

“Ai është një lojtar që e kemi ndjekur për një kohë të gjatë. Ai është paraqitur mirë në ndeshjet e Elfsborg në garat evropiane. Ai vetë ka dashur të luajë për Suedinë dhe është shumë i lumtur për këtë. Ai është një lojtar i guximshëm me topin. Është e qartë se niveli këtu është pak më ndryshe në krahasim me ekipin e klubit, por ne mezi presim ta shohim atë në mjedisin tonë”, ka thënë përzgjedhësi i Suedisë, Jon Dahl Tomasson për faqen zyrtare të Federatës së Futbollit të Suedisë.

Më 22 mars, Suedia e luan miqësoren e parë kundër Luksemburgut, derisa tri ditë më vonë ndaj Irlandës së Veriut.

Zeneli luan në pozitën e mesfushorit qendror, ndërsa luan për skuadrën e Elfsborgut.

---