Zgjedhjet e 7 qershorit, këta janë numrat me të cilët do të garojnë subjektet politike

KQZ tërheq shortin për renditjen në fletëvotim, ja numrat e partive për zgjedhjet e 7 qershorit

Komisioni Qendror i Zgjedhjeve (KQZ) ka bërë tërheqjen e shortit për renditjen e subjekteve politike të certifikuara në fletëvotimin e zgjedhjeve për Kuvendin e Kosovës, të cilat do të mbahen më 7 qershor, përcjell albinfo.ch.

Sipas shortit të tërhequr, Lëvizja Vetëvendosje në këto zgjedhje do të garojë me numrin 116.

Ndërkohë, Partia Demokratike e Kosovës (PDK) në fletëvotim do të ketë numrin 125.

Lidhja Demokratike e Kosovës (LDK) do të jetë me numrin 113, ndërsa Aleanca për Ardhmërinë e Kosovës (AAK) do të ketë numrin 128.

KQZ ka njoftuar se renditja e subjekteve politike në fletëvotim është bërë përmes shortit, në përputhje me procedurat zgjedhore.

Zgjedhjet për Kuvendin e Kosovës do të mbahen më 7 qershor të këtij viti./Albinfo.ch

---