Zvicër: Ndryshimet në ligjin për drejtësinë për të miturit hyjnë në fuqi më 1 korrik 2025

(KEYSTONE/Christian Beutler)

Parlamenti miratoi në qershor 2024 ndryshimet në ligjin për drejtësinë për të miturit, të cilat do të hyjnë në fuqi më 1 korrik 2025. Një nga risitë kryesore të ligjit është mundësia e ndalimit të të miturve si të rritur në raste të caktuara, kur ata kanë kryer vrasje, shkruan 20minuten.

Sipas ligjit të ri, kjo masë do të zbatohet vetëm për të miturit e moshës 16 deri në 18 vjeç. Ata do të mund të ndalohen menjëherë pas sanksionit penal për të mitur, por vetëm në kushte të rregulluara rreptësisht.

Qeveria federale ka theksuar se “qëllimi i ligjit penal për të miturit, përveç dënimit, është kryesisht edukimi dhe mbrojtja e shkelësve të mitur.” Ajo vlerëson se të rinjtë janë ende në zhvillim dhe priren të reagojnë më mirë ndaj masave edukative dhe terapeutike sesa të rriturit.

Parimet bazë të ligjit penal për të miturit, të cilat janë dëshmuar efektive, do të vazhdojnë të mbeten në fuqi. Megjithatë, amendamenti parashikon që paraburgimi të mund të urdhërohet vetëm nëse ekziston një rrezik serioz për një vepër penale për vrasje. Ky ndryshim do të zbatohet vetëm për të miturit mbi moshën 16 vjeç, transmeton albinfo.ch.