Zvicër: Nuk ka arsye për frikë nga virusi “Ehec”

Një epidemi e rrezikshme e infektimit të zorrëve, e përhapur në Gjermani, së paku deri më tash, nuk është identifikuar me përmasa të ngjashme edhe në Zvicër. Këtë konstatim e ka bërë Zyra Federale për Shëndetësi, për të shmangur panikun nga sëmundja e cila në Gjermaninë e veriut ka marrë tashmë tri jetë njerëzish.

Asnjë rast i skajshëm i infektuar me EHEC nuk është regjistruar në Zvicër kështu që nuk paraqitet nevoja e masave të posaçme, njofton drs.ch.

Infektimi me EHEC në Zvicër trajtohet si sëmundje ngjitëse, për të cilën është i domosdoshëm trajtimi mjekësor. Por deri më tash këtë vit janë paraqitur vetëm 16 raste të tilla, që, sipas mjekëve, është në suazat e normales.

Megjithatë, situata në Gjermani, ku virusi është përhapur përmes perimeve, po ndiqet me kujdes.