Zvicër: Punon në shtëpi, shefi detyrohet t’ia paguajë qiranë

Gjykata vendosi në favor të punonjësit dhe vendosi që rimbursimi i qirasë të paguhet në mënyrë retroaktive

Gjykata më e lartë e Zvicrës vendosi së fundi që një punonjës që ka kërkuar të punojë nga shtëpia, mund të kërkojë një pjesë të pagesës së qirasë nga punëdhënësi, sipas gazetës 20 Minuten.

Një punonjës i një firme financiare në Cyrih, i cili kishte mosmarrëveshje me punëdhënësin për rimbursimin e disa prej qirave, e çoi çështjen e tij në Gjykatën Federale, gjykatën më të lartë të Zvicrës, përcjell albinfo.ch.

Rimbursimi i qirasë lidhet me përdorimin e shtëpisë së punonjësit si zyrë. Gjykata vendosi në favor të punonjësit dhe vendosi që rimbursimi i qirasë të paguhet në mënyrë retroaktive.

Vendimi mund të ketë një ndikim në gjithë Zvicrën. Rritja e madhe e punës në shtëpi që vjen nga koronavirusi e bën aktvendimin edhe më domethënës.

---