Zvicër: Rriten pagat në vitin 2012

Tre në katër ose tri të kartat e ndërmarrjeve do t`ua rrisin pagat të punësuarve të tyre. Mesatarja e rritjes do të jetë 1.2%.

Përkundër frangut të fortë dhe gjendjes së rëndë ekonomike, tri në katër ndërmarrje zvicerane planifikojnë t`ua shtojnë pagat punëtorëve të tyre në nga janari i vitit 2012.

Sipas një sondazhi reprezentativ që ka bërë gazeta “Sonntag” me shefat e personelit të ndërarrjeve të Zvicrës del se tre në katër ose tri të kartat e ndërmarrjeve do t`ua rrisin pagat të punësuarve të tyre. Mesatarja e rritjes do të jetë 1.2%.

Sondazhi thotë se rritjen më të madhe të pagave do ta kenë të punësuarit në ndërmarrjet e transportit dhe të telekomunikacionit, mësimdhënësit, personeli shëndetësor dhe nëpunësit e sigurimeve. Ndërmarrjet e degëve tkera nuk do të rrisin rrogat. Po kështu nga ky sondazh ka dalë se nuk do të ketë ulje të rrogave.