Zvicër: Shfrytëzim rekord i hekurudhës

Marrë në tërësi, sipas Zyrës Federale për Statistikë, janë regjistruar gjithsej 446 milionë udhëtime me tren gjatë vitit të përmendur

Mjetet e transportit publik në Zvicër, po bëhen gjithnjë më të preferuara. Asnjëherë në historinë e tyre, trenat nuk kanë qenë më të frekuentuar se sa në vitin 2010. Përveç numrit rekord të pasagjerëve, rekord ka shënuar edhe numri i kilometrave të kaluara prej tyre.

Gjatë vitit 2010 çdo banor i Zvicrës ka shfrytëzuar mesatarisht gjashtë herë trenin. Marrë në tërësi, sipas Zyrës Federale për Statistikë, janë regjistruar gjithsej 446 milionë udhëtime me tren gjatë vitit të përmendur.

Krahasuar me vitin 2001, kur ishin regjistruar 300 milionë udhëtime është kjo një rritje prej 50 për qind. Në proporcion të njëjtë është edhe rritja e numrit të kilometrave të kaluara në trenat zviceranë.

Nëse në vitin 2001 pasagjerët kishin kaluar 13.3 miliardë kilometra nëpër hekurudhat e Zvicrës, në vitin 2010 ata kanë “shkelur” plot 19.2 miliardë kilometra.