Zvicër: Shtyhet koha e zbrazjes së kutive postare

Posta e Zvicrës, duke filluar nga sot do të bëjë zbrazjen e kutive postare në ditët e punës më vonë se deri më tash. Shumica e kutive do të zbrazen nga ora 17 e tutje e disa madje në orën 19.00.

Ndërkaq 220 kuti postare në gjithë Zvicrën do të zbrazen edhe të dielave në orën 17.00, ka njoftuar sot përmes një komunikate për medie Posta e Zvicrës.

Për çdo vit zviceranët hedhin rreth 400 milion letra në kutitë postare. Përderisa në vitin e kaluar kishte një rënie në numrin e dërgesave postare, në gjysmën e parë të këtij viti ka sërish një ngritje të lehtë.