Zviceranët poliglotë

Statistika më tutje ka dëshmuar se 15.8% e popullatës së Zvicrës, të moshës mbi 15 vjeçare janë poliglotë (zotërojnë mirë së paku dy gjuhë)

65.6 për qind të zviceranëve e flasin gjermanishten si gjuhë kryesore, 22.8% si gjuhë të tillë e kanë frengjishten ndërsa 8.4% italishten. Pas këtyre tri gjuhëve vjen anglishtja, të cilën si gjuhë kryesore të tyren e flasion 4.5% zviceranë, ndërsa vetëm 0.6% e zviceranëve e flasin retromanishten. Këto konstatime i ka bërë Enti Federal për Statistikë në një komunikatë të publikuar të marten.

Statistika më tutje ka dëshmuar se 15.8% e popullatës së Zvicrës, të moshës mbi 15 vjeçare janë poliglotë (flasin disa gjuhë). Të tillë konsiderohen ata njerëz që flasin dhe mendojnë njëkohësisht në dy e më shumë gjuhë, të cilat i zotërojnë shumë mirë.

45.6% e zviceranëve flasin në vendin e punës po atë gjuhë që e flasin në shtëpi, dmth dialektin zviceran të germanishtes (Mundart). 23% janë që në vend të punës e flasin gjermanishten standarde (Hochdeutsch). 20.4% flasin frengjisht, 11.3% anglisht dhe 5.8% italisht.

Në statistikë nuk janë llogaritur edhe gjuhët e huaja veç e veç, por marrë në tërësi, ato fliten nga rreth 1 milion e treqind mijë njerëz në Zvicër.