Zviceranët ushqehen më pak në restorante

Gjatë vitit të kaluar, në restorante janë derdhur 24 miliardë franga, afër 1.9 miliard ose 7% më pak se një vit më parë

Zviceranët japin më pak para për të ngrënë në restorante. Gjatë vitit të kaluar, në arkat e lokaleve të hotelerisë të Zvicrës janë derdhur 24 miliardë franga që është afër 1.9 miliard ose 7% më pak se një vit më parë.

Më së shumti zviceranët kanë kursyer në pijet që porosisin krahas ushqimit. Ata kanë paguar 13 për qind më pak për këtë destinim se një vit më parë. Ndërsa edhe më koprracë janë treguar ata që në restorante kanë dashur vetëm të pinë. Ata kanë dhënë 22.3% më pak para për pije se në vitin 2010.

Marrë në përgjithësi, zviceranët kane shpenzuar për të ngrënë jashtë shtëpisë 4.1 për qind më pak.

Organizata e gastronomëve e Zvicrës, GastroSuisse e shikon këtë trend me brengosje.