Zvicra “blen” lirinë tatimore nga SHBA me 10 miliardë?

Zvicra do të paguajë 10 miliardë dollarë për të hequr qafe autoritetet tatimore të SHBA-së, pas kontestit të lindur rreth bishtnuesve amerikanë të tatimeve, të cilët kanë deponuar të hollat në bankat zvicerane. Kështu shkruan portali blick.ch duke iu referuar agjencisë së lajmeve Reuters.

Me këtë “deal” do të mbuloheshin të gjitha bankat zvicerane. Sigurisht, në radhë të parë bankat e dyshuara nga autoritetet tatimore amerikane për fshehje të tatimeve nga ana e amerikanëve të pasur, Credit Suisse dhe HSBC Holding.

Një marrëveshje e tillë, sipas ekspertëve të cituar nga Reuters, shihet si zgjidhje afatgjatë. Ajo nuk do të parashikonte mundësinë që të dhënat e klientëve të këtyre bankave t`u dorëzohen autoriteteve amerikane.