Zvicrës i nevojiten 300 milionë maska!

Një studim i realizuar nga univesriteti  ETH flet se Zvicra në total ka nevojë për 300 milionë maska mbrojtëse

Sa maska ​​do të nevojiteshin për të furnizuar tërë popullatën zvicerane? Kjo ishte njëra nga pyetjet që iu drejtuan sot në konferencën për media në Bernë, përfaqësuesit të BAG, Faniel Koch.

Ai u përgjigj se nuk ka shifra të sakta për këtë, transmeton albinfo.ch. Por, ka plotësuar ai, një studim i realizuar nga univesriteti  ETH flet se Zvicra në total ka nevojë për 300 milionë maska mbrojtëse.

Një gazetar ka pyetur nëse shumica e maskave porositen, ashtu sikurse deri më tani, jashtë vendit ose nëse prodhimi i tyre jashtë vendit ka filluar tashmë.

“Për momentin, shumica e maskave vijnë nga jashtë”, përgjigjet Koch. Por, edhe prodhimi zviceran tashmë ka filluar. Koch ka siguruar edhe një herë: “Aktualisht në Zvicër nuk ka spitale që kanë probleme me mungesat e maskave”.

Daniel Koch e konsideron problematike që farmacitë aktualisht po u shesin maskat klientëve të tyre për 3 franga, siç vërejti një gazetar, përcjell albinfo.ch. Problematike këtu është e dhëna se ato farmaci kanë vendosur detyrimin që hyrja u lejohet vetëm klientëve me maska.

Një gjë është e qartë: “Aktualisht kemi maska ​​të mjaftueshme – si për stafin e infermierëve, ashtu edhe për të gjithë personat e tjerë që punojnë me grupet e rrezikuara”, ka theksuar Koch, transmeton albinfo.ch. Nëse, nga ana tjetër, do të donim të siguronim maska ​​për të gjithë popullatën, padyshim që do të kishim nevojë për shumë më tepër.

---