10 gratë ndërmarrëse nga Kosova, kanë filluar takimet me bizneset dhe profesionistët nga diaspora në Zvicër

10 gratë shqiptare ndërmarrëse nga Kosova, kanë filluar sot takimet me bizneset dhe profesionistët nga diaspora në Zvicër, njofton albinfo.ch.

Ato po priten nga Konsulli i Cyrihut, Sami Kastrati, bashkë-drejtori i GERMIN, Lirim Krasniqi.

Gjatë dy ditëve qëndrim në Zvicër, 10 gratë që përfaqësojnë 10 biznese që i përkasin fushave të përpunimit të ushqimit dhe teknologjikë (TIK) do të kenë mundësi takimi dhe rrjetëzimi me bizneset e diasporës.

Gjatë ditës së sotme ato do të kenë mundësi edhe të vizitojnë biznesin Dinnova AG, që i përket sektorit të TIK-ut.

10 gratë ndërmarrëse kanë qenë pjesë e kohortës së parë të projektit “Diaspora për Gratë Ndërmarrëse”, të mbështetur nga USAID Kosovo #CompeteActivity.

Pas shtatë muajsh si pjesë e këtij projekti, takimi në Zvicër ka për qëllim të mbështes partneritetet e reja të biznesit dhe qasjen në tregjet e huaja të produkteve dhe shërbimeve nga kompanitë në pronësi dhe/ose të menaxhuara nga gratë në Kosovë.