113-vjetori i Forcave të Armatosura të Shqipërisë

Begaj uron 113-vjetorin e Forcave të Armatosura të Shqipërisë

Sot, 4 dhjetor, në ditën e themelimit të Forcave të Armatosura, Presidenti Bajram Begaj nderon kontributin dhe sakrificat e të gjithë efektivëve që kanë shërbyer për atdheun gjatë 113 viteve të fundit, përcjell albinfo.ch.

Në mesazhin e tij në rrjetet sociale, Kreu i Shtetit theksoi rolin e Forcave të Armatosura në sigurimin e pavarësisë dhe mbrojtjen e vendit, si dhe pjesëmarrjen e tyre në misione dhe operacione të NATO-s, BE-së dhe OKB-së, duke e bërë Shqipërinë një kontribuues të rëndësishëm në sigurinë kolektive.

“Mirënjohje për çdo efektiv, vajza dhe djem, gra dhe burra të Forcave të Armatosura për shërbimin që i bëjnë atdheut! Gëzuar 113-vjetorin FARSH!”, shkruan Presidenti Begaj.

---