2026: Shqipëria merr komandën e batalionit shumëkombësh të Rezervës Operacionale të KFOR-it

Presidenti i Republikës së Shqipërisë, Bajram Begaj, ka zhvilluar sot një takim virtual me efektivët e Forcave të Armatosura që shërbejnë në misione paqeruajtëse jashtë vendit.

Begaj ka vlerësuar lart sakrificën e ushtarakëve shqiptarë, të cilët festojnë larg familjeve për të garantuar sigurinë në pikat më të nxehta të globit.

Gjatë takimit, ai ka dhënë një lajm të rëndësishëm për vitin që sapo ka nisur: Shqipëria do të marrë komandën e batalionit shumëkombësh të Rezervës Operacionale të KFOR-it për vitin 2026.

“Kjo është një dëshmi e qartë e përkushtimit tonë ndaj mbrojtjes kolektive dhe sigurisë në rajon,” theksoi Begaj, duke e cilësuar këtë detyrë si një arritje madhore të ushtrisë shqiptare.

Presidenti listoi hartën e gjerë të angazhimit të trupave tona, duke treguar peshën që Shqipëria ka brenda Aleancës:

Në Rajon- Kosovë dhe Bosnjë-Hercegovinë.

Krahu Lindor i NATO-s- Letoni dhe Bullgari.

Misione Strategjike- Irak, Sinai, Deti Egje dhe Sudani i Jugut.

Mbështetje për Ukrainën- Pjesëmarrje në strukturat mbështetëse ndaj agresionit rus, shkruan RTSH, transmeton albinfo.ch.