32-vjeçari nga Kosova që vrau gruan, lajm në ballinat e mediave austriake

Një rast tragjik i ndodhur mbrëmë në Vienë të Austrisë ka marrë vëmendjen e mediave atje, derisa, mëngjesin e së shtunës lajmi për vrasjen e gruas 32-vjeçe nga burri i saj ka zënë ballinat e mediave.

Mediat më të njohura në Austri kanë shkruar për rastin, ku thuhet se motiv i krimit dyshohet të jetë xhelozia që kishte pasur burri nga Kosova.

32-vjeçari tutje theksohet se gruan e kishte vrarë pasditen e së premtes, duke e goditur për vdekje me një shkop druri, përcjell albinfo.ch.

Burri pasi kreu aktin makabër, shkoi në polici dhe rreth orës 02:00 njoftoi autoritetet për vrasjen që kreu.

Edhe gruaja, siç raportojnë mediat lokale, ishte 32-vjeçare derisa kishte plagë në pjesën e pasme të kokës.

32-vjeçari u arrestua menjëherë me dyshimin për vrasje. Ai do të intervistohet të shtunën, tha zëdhënësi i policisë Paul Eidenberger.

Trupi i pajetë i gruas u dërgua për autopsi. Kosovarja 32-vjeçe është gruaja e 18 e vrarë këtë vit në Austri.