876 raste të reja dhe 11 të vdekur nga Covid-19 në Shqipëri

Keystone EPA/MALTON DIBRA

Ministria e Shëndetësisë raporton se në 24 orët e fundit 11 qytetarë nuk e kanë fituar dot betejën me Covid-19. Sipas njoftimit zyrtar, janë regjistruar 876 raste të reja, ndërsa janë shëruar 497 pacientë.

Aktualisht në 4 spitalet COVID, po trajtohen 343 pacientë, 19 në terapi intensive nga të cilët 6 pacientë janë të intubuar.

Ministria e Shëndetësisë dhe Mbrojtjes Sociale u bën apel qytetarëve të mos e ulin vigjilencën dhe të vijojnë të zbatojnë rregullat antiCOVID duke vendosur maskën mbrojtëse në çdo ambient jashtë shtëpisë; duke shmangur grumbullimet dhe duke ruajtur distancimin fizik; duke u kujdesur për higjenën vetjake, në mënyrë që të parandalohet përhapja e COVID-19.