Senzacion në Bernë: Ndahen me sukses binjaket siameze!

Është hera e parë në botë që të ndahen dy foshnja me një peshë dhe madhësi kaq të vogël (2200 gramë së bashku)

Një ekip mjekësh të Spitalit Univesrtar të Bernës «Inselspital» ia ka dalë t`u shpëtojë jetën binjakeve siameze Maya dhe Lidia, duke i ndarë ato përmes një ndërhyrjeje të komplikuar kirurgjike. Ky operacion i realizuar më 15 dhjetor por që publikohet vetëm tash, konsiderohet senzacion jo vetëm për Zvicrën.

Siç shkruan gazeta «Sonntagszeitung», dy foshnjet e lindura para kohe kishin qenë të lidhura përmes mëlçisë dhe e ndanin një cipë të përbashkët zemrës. Ato ishin lindur tetë javë para kohës ndërsa ndarja operative tyre është bërë tetë ditë pas lindjes, transmeton albinfo.ch.

Të dyja së bashku peshonin vetëm 2200 gramë dhe zemrat e tyre ishin vetëm katë centimetra të mëdha.

Është hera e parë në botë që të ndahen dy foshnja me një peshë dhe madhësi kaq të vogël, shkruajnë mediet zvicerane. Në kushte normale në botë mjekët presin që foshnjat siameze t`i ndajnë vetëm pasi që ato t`i kenë mbushur tre deri gjashtë muaj. Por në spitalin e Bernës kjo mundësi nuk ekzistonte pasi që gjendja e binjakeve po përkeqësohej dukshëm.

Në operacionin që ka zgjatur pesë orë kanë marrë pjesë edhe dy kirurgë të fëmijëve nga Siptali Univesrsitar i Gjenevës (HUG). «Ne nuk mund të prisnim më gjatë», ka thënë Steffen Berger, kryemjek ne kirurgjine e fëmijëve në Inselspital. «Ndryshe, fëmijët do të vdsnin shume shpejt”.

Vetëm tri raste të binjakëve siamezë të shpëtuar pas ndarjes me operacion janë regjistruar në Zvicër gjatë 30 viteve të fudit. Mundësia e vdekjes në një operacon të tillë është 80 për qind thotë dr. Berger.

Ndërkaq, Maya dhe Lydia përveç që kanë mbijetuar, po zhvillohen normalisht. «Jemi tepër të gëzuar. Ndjehem si i lindur për së dytit»; thote babai i binjakeve siameze të Bernës.