Deputeti zviceran jep dorëheqje pasi ka krahasuar transportin e kafshëve me Aushvicin

Ai, në një debat në Dhomën Nacionale të Parlamentit lidhur me transportimin e kafshëve në thertore, e ka krahasuar këtë me deportimin e hebrenjve në kampin e shfarosjes të njohur nga koha e nazizmit, në Auschwitz

Keystone

Deputeti nacional i Partisë së Gjelbër nga Kantoni Aargau, Jonas Fricker ka dhënë dsot orëheqje nga posti i deputetit. Këtë veprim  e ka bërë pas bujës që ka bërë një deklaratë e tij problematike në parlament.

Ai, të enjten që kaloi, në një debat në Dhomën Nacionale të Parlamentit lidhur me transportimin e kafshëve në thertore, e ka krahasuar këtë me deportimin e hebrenjve në kampin e shfarosjes, të njohur nga koha e nazizmit, në Auschwitz.

Tekstin e dorëheqjes ai e ka shpërndarë përmes twitter-it, transmeton albinfo.ch mediat zvicerane

Pas kësaj Fricker kishte kërkuar faje në plenumin e parlamentit për deklaratën e tij. Ai e ka përsëritur kërkimfaljen edhe para përfaqësuesve të organizatave të hebrenjve ashtu si dhe në letrën e tij ku shpall dorëheqjen.

Deklaratën e tij të pafat Fricker e kishte dhënë në kuadër të trajtimit të iniciativës parlamentare “Fair-Food” në Dhomën Nacionale.

Duke kritikuar transportin në masë të derrave drejt thertores, ai kishte bërë një krahasim me deportimin e hebrenjve drejt Kampit të shfarosjes, Auschwitz-it famëkeq. Madje, krahasimi që ka bërë ai, del akoma më i papërshtatshëm kur thotë: “Njerëzit që deportoheshin atje, kishin të paktën një shans të vogël për të mbijetuar. Ndërsa derrat shkojnë drejt vdekjes së sigurt”, transmeton albinfo.ch. Në kërkimin e tij të faljes që e ka bërë, siç është shprehur ai, “në të gjitha mënyrat” në parlament, Fricker ka thënë se krahasimin e papërshtatshëm e ka bërë nga “naiviteti” i tij.