Të dielën rivotohet në Çair

Në rrethin e dytë në këtë vendvotim,  Zeqirija Ibrahimi fitoi 164 vota, Visar Ganiu 98, ndërsa 17 vota kanë qenë të pavlefshme

Ilustrim

Në Çair asgjë nuk është vendosur. Në këtë vend do të vendoset kryetari i ardhshëm i Çairit. Gjykata Administrative ka vendosur që në vendvotimin 2901 në Çair do të ketë rivotim, bëjnë të ditura mediat shqiptare të Maqedonisë.

Dallimi mes Visar Ganiut dhe Zeqirja Ibrahimit pas rrethit të dytë të votimeve ishte 209 vota, ndërsa në vendvotimin 2901 ka gjithsej 719 votues të regjistruar, ku mund të ndryshojnë rezultatin e rrethit të dytë, përcjell albinfo.ch.

Kandidatët kanë pranuar vendimin, derisa të dielën, pra më 12 nëntor do të rivotohet sërish në këtë qendër.

Ndërkohë, banorët e kësaj zone ku do të përsëritet votimi thonë se nuk janë të interesuar më për të votuar.

Në rrethin e dytë në këtë vendvotim,  Zeqirija Ibrahimi fitoi 164 vota, Visar Ganiu 98, ndërsa 17 vota kanë qenë të pavlefshme.

Nëse kandidatët marrin përsëri votat e fituara në rrethin e dytë, vendimtar për përcaktuesin e fituesit në këtë komunë do të jenë 441 votuesit të cilët nuk kanë votuar në rrethin e dytë. Votimi do të mbahet të dielën 12 nëntor.