Sot, balotazhi në Kosovë

Sot do të zhvillohet raundi i dytë i zgjedhjeve lokale në Kosovë. Në këtë raund kanë drejt të votojnë 1 milion e 353 mijë e 613.

Balotazhi do të zhvillohet në 19 komuna të Kosovës, derisa në 19 të tjera dilema ishte zgjidhur në raundin e parë, përcjell albinfo.ch.

Gara kryesore do të jetë në Prishtinë, ku garojnë Shpend Ahmeti nga VV-ja dhe Arban Abrashi nga LDK-ja, por shumë interesant do të jetë edhe në Prizren, Vushtrri, Mitrovicë, dhe komuna tjera.

Komisioni Qendror i Zgjedhjeve ka konfirmuar se ka bërë të gjitha përgatitjet për balotazhin që do të zhvillohet.

Votimet do të vëzhgohen dhe monitorohen nga vëzhguesit e subjekteve politike, mediat, organizatat vendore dhe ndërkombëtare, përfshirë edhe Bashkimin Evropian si dhe ambasadat e akredituara në vend.

Numri i përgjithshëm i vëzhguesve të akredituar sipas KQZ-së do të jetë më shumë se 12 mijë.

Këto janë zgjedhjet e shtata lokale që nga paslufta në Kosovë, ndërsa raundi i parë i zgjedhjeve është mbajtur me 22 tetor.