Nesër vendimi për Prishtinën

Të hënën do të bëhen publike vendimet e Panelit Zgjedhor për Ankesa dhe Parashtresa për ankesat që janë bërë pas publikimit të rezultateve të KQZ-së. Në PZAP janë dorëzuar shtatë ankesa, tre nga LDK, tre nga PDK dhe një ankesë e kandidatit të pavarur të Shtimës.

Kryesuesi i PZAP-së, Mul Desku ka njoftuar se gjatë ditës së nesërme ata do të dalin me vendimet.

“Nesër gjatë ditës do të dalim me vendime. Ende nuk e dimë kohën e saktë, por gjatë orarit të punës”, ka thënë ai për ‘Indeksonline’.

Ndryshe, LDK-ja ka paraqitur ankesa në komunën e Kamenicës, Istogut dhe për Prishtinën. PDK, për komunën e Prizrenit, Klinës dhe Rahovecit.

Ndërsa ankesa e shtatë është nga kandidati i pavarur për kryetar të Shtimës, Fatmir Rashiti, përcjell albinfo.ch.