Media zvicerane: Daçiq po i hedh benzinë zjarrit

“Luajmë ne kundër Zvicrës ose Kombëtares nga Prishtina?,” citohet të ketë thënë ministri i jashtëm serb Ivica Dacic.

Tashmë pragndeshjes mes Zvicrës dhe Serbisë, e cila do luhet të premten (nesër) në fillim të ora 20, i është bashkangjitur edhe politika serbe e cila ndjehet e “provokuar”.

“Politika dhe sporti nuk duhet të përzihen. Por me sa duket nuk është e mundur të ndodhë kjo edhe të premten. Sepse ne nuk e dijmë, nëse luajmë kundër Zvicrës, ose kundër Shqipërisë ose Prishtinës,” tha Daçiq.

Kjo deklaratë është kritikuar nga mediat zvicerane, ku “Blick” e ka akuzuar ministrin Dacic se po “hedh benzinë në zjarr” duke dashur të “de eskalojë lojtarët tjerë  serbë”, përcjell albinfo.ch.