Shqiptarët të votojnë Dario Sulzer për të fituar Arbër Bullakaj

Nuk ka përfunduar ende gara e kandidatëve shqiptarë për të siguruar një vend në komunën Wil të kantonit St. Gallen

Arbër Bullakaj, ndonëse nuk kishte fituar në rundin e parë, ka mundësi të zgjidhet në rundin e dytë të zgjedhjeve që do të mbahet më 4 nëntor.

Zgjedhësit shqiptarë duhet të votojnë për Dario Sulzer, në mënyrë që Arbër Bullakaj me votat e tij të siguroj një ulëse në parlamentin e qytetit Will të St.Gallenit.

Arbër Bullakaj nga Partia Socialdemokrate nuk ka mundur të sigurojë vend në asamblenë e qytetit të Wilit në rundin e parë të zgjedhjeve.

Mbi 900 votat që ka fituar nuk i kanë mjaftuar për ta fituar këtë vend. Por, Bullakaj ka mundësi që megjithatë të zë një vend në këtë asamble.

Kjo mund të ndodhë në muajin nëntor, kur kandidati i SP për parlamentin  e Wilit, Dario Sulzer të votohet nga zgjedhësit shqiptarë, dhe me këtë   rast Bullakaj, si i votuari i radhës do të bëhet këshilltar  në asamblenë e qytetit.

Politikani me prejardhje nga Kosova tha se nëse zgjedhet deputet i qytetit të Willit do të angazhohet për të avancuar pozitën e komunitetit shqiptar.

Arber Bullakaj, 26-vjeçar nga Prizreni, jeton në qytetin e Willit që nga mosha 9-vjeçare. Ai ka të kryer shkollën ekonomike. Aktualisht vepron dhe jeton në po të njëjtin qytet së bashku me familje.