Zvicra dëbon kosovarin problematik

Zyra për Migracion e Kantonit të Bernës në bashkëpunim me Policinë Kantonale ka vendosur të dëbojë nga Zvicra një të ri nga Kosova pasi ka mbaruar dënimin për disa vepra të kryera penale.

I përmenduri ishte dënuar në prill të vitit 2009 nga Gjykata e qarkut Bern-Laupen, për grabitje, shkelje të rëndë të rregullave të komunikacionit dhe për shkelje të ligjit mbi narkotikët, mbajtje të armëve pa leje vozitje pa leje etj. Për të gjitha këto vepra ai pati marrë dënimin prej katër vitesh burg. Kjo ka shtyrë zyrën Federale për Migracion që të marrë masën e dëbimit, respektivisht t`ia anulojë të drejtën e qëndrimit të tij në Zvicër. Ankesa e bërë nga ai në vitin 2010 ishte hedhur poshtë.Zbatimi i vendimit për dëbim është bërë në koordinim me policinë e kantonit të Bernës dhe ka rrjedhur pa probleme, thuhet në njoftimin e zyrës për migracion. Përveç dëbimit, ndaj kosovarit është vendosur edhe masa e ndalimit të hyrjes në Zvicër për dhjetë vite.