Katër ndeshjet e sotme, vëmendja shkon për Argjentinën dhe Islandën

Vëmendja më e madhe do të shkojë padyshim te sfida mes Nigerisë dhe Argjentinës së Messit që luan shansin e fundit për t’u kualifikuar dhe Islandës guximtare kundër Kroacisë që po synon finalen e KB.

Luhen sot ndeshjet e fundit të grupeve C dhe D. Vëmendja më e madhe do të shkojë padyshim te sfida mes Nigerisë dhe Argjentinës së Messit që luan shansin e fundit për t’u kualifikuar dhe Islandës guximtare kundër Kroacisë që po synon finalen e KB. Argjentina dhe Nigeria sot, duhet të bëjë tifo për Kroacinë, kurse sa u përket shanseve të Islandës, skuadra e Hallgrimson nëse mund Kroacinë do të shpresojë në një fitore ose barazim të Argjentinës, shkruan albinfo.ch.

Në grupin C, gjërat janë më me pak emocion. Australia dhe Peruja do të ballafaqohen në kuadër të ndeshjes së fundit të grupit, ndërsa Franca do luajë kundër Danimarkës. Për peruanët është ndeshje prestigji pasi që nuk ka gjasa të kalojnë grupin, gjersa australianët kanë një mundësi të vetme. Kjo varet prej takimit në mes të Francës dhe Danimarkës, ku kjo e fundit duhet të humb, ndërsa Australia duhet të triumfojë.