Gjyshja “pret vitin e ri”, e mbyllur në supermarket

Pensionistja 73 vjeçare, në mbrëmjen e 31 dhjetorit, pasi i ka kryer blerjet në supemarketin e qytetit, nuk e ka ndjerë veten mirë dhe ka shkuar në tualet...

Një pensioniste franceze e ka provuar edhe këtë: Të presë vitin e ri në një supermarket. Natyrisht, jo pse e ka zgjedhur vetë por pasi që ka mbetur e mbyllur brenda!

Siç bën të ditur qendra e zjarrfikësve në qytetin verior Roubaix, pensionistja 73 vjeçare, në mbrëmjen e 31 dhjetorit, pasi i ka kryer blerjet në supemarketin e qytetit, nuk e ka ndjerë veten mirë dhe ka shkuar në tualet. Kur doli nga tualeti ajo mundi vetëm të konstatojë se shitorja tashmë ishte mbyllur.

Ajo ka provuar disa herë të aktivizojë alarmin por nuk ka pasur sukses, njoftojnë zjarrfikësit. Vetëm të nesërmen paradite ajo ka mundur të lirohet nga një punëtor i udhëheqjes së supermartketit i cili e ka parë plakën nga jashtë.

73 vjeçja kishte kaluar gjithë natën pa mundur të flinte asnjë minutë dhe pa ngrënë asgjë. Pasi është liruar, ajo është dërguar në spital për kontrollim.