Franca vihet pas milionerëve francezë në Zvicër

Në vitin 2010 në Zvicër janë llogaritur të jenë 5'445 rezidentë të huaj multimilionerë. Dy mijë prej tyre figuronin si qytetarë francezë

Francezët të cilët përfitojnë nga tatimet paushalle në Zvicër, në të ardhmen do të paguajnë taksat në vendin e tyre të origjinës.

Kështu thotë një dekret i lëshuar nga autoritetet franceze për qytetarët francezë që jetojnë në Zvicër.

Departamenti Federal i Financave ka konfirmuar lajmin për gazetën zvicerane “Le Temps”.  Megjithatë, Zvicra nuk kishte qenë e informuar në lidhje me atë nëpërmjet kanaleve zyrtare.

Franca ka toleruar që nga viti 1972 që shumë milionerë franceze në Zvicër të paguajnë vetëm tatime paushalle.

Në vitin 2010 në Zvicër janë llogaritur të jenë 5’445 rezidentë të huaj multimilionerë. Dy mijë prej tyre figuronin si qytetarë francezë.