Zgjidhet futbollisti i vitit 2012

Sipas të gjitha gjasave do të jetë serish Messi, që do të nderohet me këtë çmim

Sonte, në selinë e FIFA-s në Cyrih bëhet ndarja e çmimit “Ballon d`Or” që jepet për çdo vit për futbollistin më të mirë të vitit në gjithë botën. Kandidatët kryesorë për këtë vit janë Lionel Messi, Cristiano Ronaldo dhe Andres Iniesta.

Sipas të gjitha gjasave do të jetë serish Messi, që do të nderohet me këtë çmim. Në një rast të tillë ylli i Barcelonës do të merrte për të katërtën herë çmimin e futbollistit më të mirë, që do të ishte rekord i llojit të vet.

Veç futbollistëve sonte në Cyrih do të zgjidhen edhe futbollistet e vitit si dhe trajnerët e vitit në futboll.

Përzgjedhjen e bëjnë gazetarët e sportit, trajnerët dhe kapitenët e kombëtareve të futbollit.